பழக்கவழக்கம்

எதற்கடுத்து எதை செய்யவேண்டுமென்று சமுதாயம் ஏற்கனேவே ஒரு தொடர்விதியை நிர்ணயித்துவிட்டது; நாம் அறியாமலே அந்த விதியில் சிக்குண்டுல்லோம்

ஆணுக்கும் சரி, பெண்ணுக்கும் சரி, எதில் சலிப்பு வருகிறதோ, இல்லையோ பெருமை பேசுவதில் மட்டும் சலிப்பே வருவதில்லை;

நீங்கள் சொல்லும் கருத்து உண்மையே ஆனாலும் இடம், பொருள், ஏவல் அறிந்து சொன்னால் உங்களுக்கு நன்மையும், பாதுகாப்பும் உறுதியாகும்!

நுகர்வோரை எதிர்கொண்டு விற்பதற்கு பயந்தால் இடைத்தரகரிடம் குறைந்தவிலைக்கு விற்று நஷ்டப்பட வேண்டியதுதான்;

கள்வராயிருந்த இரத்னாகர், வியாசராய் மாறி கொடுத்ததுதான் இராமாயணம்! கடந்தவற்றைவிட்டு இன்றிலிருந்து உங்கள் புதிய இராமாயணத்தை எழுத நீங்கள் தயாரா?

வியாபாரத்தில் நற்பெயருக்கென்று ஒரு விலையுண்டு! தனிமனித வாழ்வில் நற்பெயருக்கு விலையில்லை – ஆனால் நற்பெயர்தான் வாழ்வின் எல்லாமுமாகும்!

உங்களுக்கு சரியென்று பட்டதை செய்வதற்குமுன் அதனால் பாதிக்கப்படுபவர்கள் யாரேனும் இருப்பின் அவர்கள் கண்ணோட்டத்தில் ஒரு நிமிடம் யோசியுங்கள்!!

கொடுப்பது குறைந்து பறிப்பது அதிகமாக இருப்பதால் சமுதாயம் சீரழிந்து நிற்கிறது ; கொடுப்பது அதிகரித்துவிட்டால் சமுதாயம் தானாக சீராகிவிடும்;

பெரிய வெற்றிகளுக்கு பெரிய குழுக்கள் தேவை; பெரிய குழுக்களுக்கு தலைமை மிக முக்கியம்; தலைமை இல்லாத குழு திசை தெரியாமல் பயனித்து மடியும்;

எவ்வளவு இருக்கிறதென்பது மகிழ்ச்சியை தீர்மானிப்பதில்லை! இருப்பதைக் கொண்டு மனநிறைவுடன் வாழ்கிறீர்களா? என்பதில்தான் உங்கள் மகிழ்ச்சி இருக்கிறது

ஆயிரமாயிரம் உறவுகள் சுற்றியிருந்தாலும் ஆயிரமாயிரம் செல்வம் குவிந்திருந்தாலும் நீங்கள் இல்லாவிட்டால் அவற்றினால் உங்களுக்கென்ன பயன்?

பயனம் புதிய மனிதர்களையும், புதிய கண்ணோட்டத்தையும் அளித்து உங்கள் பார்வையை விசாலப்படுத்தி புதிய முயற்சிகளுக்கு வழிவகுக்கும்;

அதிகாலை சீக்கிரம் எழுந்தால் உங்களுக்கே உங்களுக்காக இரண்டுமணி நேரம் கிடைக்கும்;

செய்வதற்கு ஒன்றுமில்லை என்று சொல்வதற்காண சூழ்நிலை எப்போதும் யாருக்குமே இல்லை;

எல்லாருமே வெற்றிபெற போராடுகிறார்கள் – ஆனால் உங்களில் எத்தனை பேருக்கு வெற்றிபெறும் நம்பிக்கை இருக்கிறது;

மனித குலம் கண்டுணர்ந்து உயரிய இரண்டு உணர்வுகள் அன்பு & மன்னிப்பு ?!

சரியானவற்றை சிந்திக்கிறோமா? சரியான நேரத்தில் சிந்திக்கிறோமா? சிந்திப்பதை கவனச் சிதறலின்றி தொடர்ந்து சிந்திக்கிறோமா?

தேடலும் வேண்டும் – அதேசமயம் இருப்பதை உணர்ந்து அனுபவிக்கவும் வேண்டும்! உங்கள் மனநிறைவான வாழ்க்கைக்கு எது சரியென்று நீங்களே யோசியுங்கள்!

போற்றல்-தூற்றல்கலை பொருட்படுத்தாமல் ஆக்கப்பூர்வமான செயல்களில் மட்டுமே கவனம்செலுத்தினால் வளர்ச்சியும், வெற்றியும் வாழ்வின் அங்கமாகும்

உங்கள் தேவைகள் குறித்த புரிதலை மேம்படுத்தி அளவோடு ஆசைப்பட்டு அறிவோடு செயல்பட்டு வாழ்வை மகிழ்ச்சிகரமானதாக வழிநடத்துங்கள்!

நேரம் கிடைக்கும்போதெல்லாம், உங்களின் எல்லா நம்பிக்கைசார்ந்த விடயங்களையும் ஏன்?எதற்கு?எப்படி? என்ற கேள்விகளைக்கேட்டு ஆய்ந்தறிந்து கொள்ளுங்கள்

பல சமயம் உங்கள் உள்ளுணர்வுகள் சரியாக இருந்திருக்கலாம்; ஆனால் எப்போதும் சரியாக இருக்குமென்று எப்படி எதிர்பார்க்க முடியும்;

உடலை வருத்தினால் தான் வெற்றி காண முடியும்; ஆனால் எந்த எல்லை வரை வருத்துவது என்று தெரிந்திருக்க வேண்டும்!

பட்டுத் தெரிந்துகொள்ள பயப்பட்டால், குண்டுசட்டிக்குள் குதிரை ஓட்டிக்கொண்டிருக்க வேண்டியதுதான்!