பழக்கவழக்கம்

அத்தியாவசியத் தேவைகளுக்கு விலை கொடுக்கலாம்! அவசியமில்லாதவற்றை இலவசமாகக்கூட வாங்கிவிடக் கூடாது!!

பொன்னுக்கும் பொருளுக்கும் புகழுக்கும் ஆசையுள்ளவரை பொருளாதார ஏற்றத்தாழ்வுகள் நீடிக்கும்வரை நம்பிக்கை துரோகங்கள் தொடர்ந்துகொண்டேதான் இருக்கும்

வியாபாரத்திற்கும், வீடுகட்டவும், அளவோடு கடன்பட்டு வளமாக வளர்ந்தவர்களுக்கு மத்தியில் அளவிற்கு மீறி கடன்பட்டு அழிந்துபோனாவர்கள் ஏராளம்!

நீங்கள் 100% துல்லியத்தை எதிர்பார்த்து இருப்பதை கோட்டைவிட்டு விடாதீர்கள்; அதே சமயம் 99% சதவிகிதத்தில் போதும் என்று தங்கிவிடாதீர்கள்;

இருக்கின்ற 24 நேரத்தில் யார் யார் எதை எதை செய்கிறார்கள் என்பதைப்பொறுத்து – அவரவர்களின் வெற்றியும் தோல்வியும் நிர்ணயமாகிறது;

தோல்வியினால் வரும் இழப்புக்களை கவனமாக செய்பட்டு குறைத்துக்கொண்டால் அடுத்த போட்டியில் பங்குபெற உங்களிடம் போதுமான பலமும் பொருளும் இருக்கும்

பொறாமையைக் கொண்டு நீங்கள் வெற்றி காணமுடியாது; எல்லா நேரங்களிலும் பொறாமை தீய எண்ணங்களுக்கும், தீச்செயலை செய்வதற்குமே வழிநடத்தும்;

புதியவற்றை கற்று நீங்கள் வளரவேண்டும்; கற்கத்தவறினால் வீழ்ச்சி தானாய் நிகழும்; வளர்ச்சிக்கும் வீழ்ச்சிக்குமிடைய நீண்டநாட்கள் பயணிக்க முடியாது

சந்தர்ப்ப சூழ்நிலைகள், மனிதர்களின் திறமைகளுக்கேற்ப உங்கள் எதிர்பார்ப்புக்களை அளவாக வைத்துக்கொண்டால் எண்ணியவையெல்லாம் படிப்படியாக ஈடேறும்

தொடர்ந்து முயற்சிப்பதல்லாமல் வெற்றிகாண வேறு வழியேதுமில்லை பராபரமே!!

வாக்குக்கொடுப்பதற்கு முன் தேவையான அளவு சிந்தித்துவிட்டு வாக்குக்கொடுங்கள்; அவசரத்தில் வாக்குக்கொடுத்து அவஸ்தையில் மாட்டிக்கொள்ளாதீர்கள்;

வேகமாகச் செய்பவரால்தான் எதையும் முதலில் முடிக்க முடியும்; அதேசமயம் சரியாக செய்யவேண்டியது முக்கியக் கடமை; வேகமாக தவறாக செய்வதில் பயனேதுமில்லை

பசிக்காக திருட்டை நீங்கள் நியாயப்படுத்தலாம்; அதேசமயம் அந்த பொருளை இழக்கிறவன் பார்வையில் அந்த திருட்டு எப்படி நியாயமாக முடியும்!

படிப்பதும், கவனிப்பதும் அரைகுறையானால் நம் செயலும், வளர்ச்சியும் அரைகுறையாகத்தான் இருக்கும்;

ஒப்பீடுகளில்லாமல் வாழ்க்கையில்லை ஒப்பீடுகள் ஆக்கப்பூர்வமானதாக இருக்குவரை தனிமனித வெற்றிக்கும் சமுதாயத்தின் வளர்ச்சிக்கும் வழிவகுக்கிறது.

சுயசிந்தனையும், பகுத்தறிவும் வாழ்வின் அன்றாட பழக்கமானால் மூடப்பழக்கங்கள் ஏதுமின்றி வாழ்வின் பயனம் இனிமையாகும்!

நீங்கள் வெற்றிபெறும் போது உங்களைச் சார்ந்தவர்களும் வெற்றிபெற்றால் வெற்றியின் மகிழ்ச்சி இரட்டிப்பாகும்!

குறைகளுக்கு எல்லையே இல்லை – ஆனால் உன் வாழ்க்கைக்கு எல்லை இருப்பதால் குறைகளை பொருட்படுத்தாமல் நிறைகளை தேடி மகிழ்ந்திடுங்கள்;

வந்தால் மலை, போனால் மடு என்று தைரியமாக போராடுபவருக்குத்தான் சாதனையும், சரித்திரமும் சாத்தியமாகும்!

உயிருக்குயிரான உறவுகளை இழக்கலாம்; உண்மையென்று நம்பியவைகள் ஏமாற்றலாம்; எதிர்பாராத அதிர்ச்சிகளை எப்போதும் எதிர்பார்த்திருங்கள்!

நீங்கள் ஆரோக்கியமாக இருந்தால் வெற்றியை நோக்கி எளிதில் முன்னேறலாம்; பெற்ற வெற்றியை நன்றாக அனுபவிக்கலாம்; ஆரோக்கியம் பேனாவிட்டால் பயனில்லை!

யார் மாற்றங்களை எதிர்நோக்கி பரிசோதனை முயற்சிகளில் இறங்குகிறாரோ – அவருக்கு ஏனையவர்களைக் காட்டிலும் சீக்கிரமாக முன்னேர அதிகவாய்ப்பு இருக்கிறது

உலகில் எல்லாமே கடினம் தான் – செய்யத்துவங்காதவரை! உலகில் எல்லாமே எளிமைதான் – ஐந்துநிமிடம் செய்யத்தொடங்கியதும்!

எதற்கும் அஞ்சாமல் தைரியமாக முதல் அடியை வைப்பருக்கு வெற்றிக்கான வாய்ப்பு எளிதாகும்;