பழக்கவழக்கம்

நயவஞ்சகமான பேச்சும், தந்திரமான வாக்குறுதியும் நீங்கள் அன்றாடம் சந்திக்கவேண்டிய சவால்கள்! அவற்றை இனங்கண்டு சிக்காமல் தப்பிக்க தயாரா நீங்கள்?

உண்மைக்கும்-பொய்க்கும், அதிகாரத்திற்கும்-ஆணவத்திற்கும், அன்பிற்கும்-ஆதிக்கத்திற்கும், அறிவிற்கும்-அகங்காரத்திற்கும் நூலிழை வேறுபாடுதான்!!

தவறுகளையும், தோல்விகளையும் சந்திக்காமல் யாரும் சிகரத்தை அடைந்ததில்லை; அதற்காக தவறு செய்தவர்கள் எல்லோரும் வென்றுவிடவும் இல்லை;

ஏட்டிக்குபோட்டி, பழிக்குப்பழியாக நீங்கள் செய்ததில், எதிராளிக்கு நஷ்டமிருந்ததோ - இல்லையோ? உங்களுக்கு என்ன நஷ்டம் ஏற்பட்டுள்ளதென்று அலசுங்கள்!

ஏன்? எதற்கு? எப்படி? எதனால்? எவ்வாறு? என்று எல்லாவற்றிற்குமான மூலாதாரத்தையும் கண்டு சரிசெய்யுங்கள்!!

ஒன்றுக்கும் மேற்பட்டோர் சேர்ந்து செய்யும்போது சோம்பேறிகளின் பாசாங்கு உற்பத்தியை வெகுவாக குறைக்கும்; அதை இணங்கண்டு களையாவிட்டால், இழப்புதான்!

நம் கண்முன் இருப்பவை மட்டுமே வாய்ப்பல்ல நம் கண்களுக்கு அப்பாலும் நிறைய வாய்ப்புக்கள் இருக்கிறது!

உலகிலூதிப் பெரிதுபடுத்தமுடியாதளவு சிறிய பிரச்சனையென்று எதுவுமில்லை! தொட்டாலும்,பட்டாலும் பெரிதாக்கலாம்! கொன்றாலும்,தின்றாலும் சிறிதாக்கலாம்

எல்லாம் ஒன்றோடு ஒன்று பிணைந்ததுதான்; எதற்கடுத்து எதுவென்று படிநிலைதெரிந்தால் மட்டுமே தெரிந்தசெயலையும் உரிய நேரத்தில் செய்துமுடிக்க முடியும்!

இரத்தின சுருக்கமாக சொல்பவற்றில் உண்மை அதிகமிருக்கும்! நீண்ட கதையிலும், விளக்கத்திலும் பொய்கள் அதிகமிருக்கும்!

பொருந்தி வந்தால் ஒன்றோடு ஓன்று சேர்ந்து பத்தாகலாம்; பொருந்தாத இடத்தில் எத்தனை சேர்ந்தாலும் எல்லாம் பூஜ்ஜியம்தான்;

தகவலைக்கொண்டு பணம் சம்பாதித்தவரும் இருக்கிறார்! அதைக்கொண்டு சீரழிந்தவரும் இருக்கிறார்! தகவல் ஆக்கத்திற்கும் அழிவிற்கும் வழிவகுக்கிறது....

மாற்றங்களை ஏற்றுக்கொள்ளாமல் அதிகாரவர்க முறைமைகளில் ஊறி இன்னும் பழமை பேசும் நிறுவனமும், அதிகாரிகளும் படிப்படியாய் நிராகரிக்கப்பட்டுவிட்டனர்

நீங்கள் மற்றவர்களை பற்றி கிசுகிசுப்பதானாலும் உங்கள் பற்றி மற்றவர்கள் கிசுகிசுப்பதானாலும் கூடுயவரை இரண்டுக்கும் வாய்ப்பளியுங்கள்

உங்கள் விழிப்புநிலை உங்களை சூழ்நிலையறிந்து இடம், பொருள், ஏவல் அறிந்து சரியான முடிவுகளை எடுக்க வழிவகுக்கும்!

உடையோ, கலாச்சாரமோ, பழக்கவழக்கமோ, சமுதாயத்தின் போக்கில் மூடப்பழக்கங்களை தொடராதீர்கள்; து சரியோ, அதை நீங்கள் முன்னெடுத்துச் செய்யுங்கள்;

சட்டத்தை மீறியவர்கள், அநியாயக்காரர்கள் யாரும் நீண்டகாலம் தொடர்ந்து ஜெயித்துவிடவில்லை; அவர்கள் ஒருமுறை தோற்கும்போது அது நிரந்தரமாகிவிடுகிறது

இலாபத்தின் ஒருபங்கை எப்போதும் வெளியிலெடுங்கள்; எல்லா முட்டையும் ஒருகூடையில் இருக்கக்கூடாதென்பதை எப்போதும் நினைவில் வைத்திருங்கள்!

என்ன செய்ய வேண்டுமென்று தெரியும் எப்போது செய்ய வேண்டுமென்று தெரியும் ஆனால் இன்னும் செய்யாமல் தாமதிப்பதேன்?

வியாபாரத்திலும், அன்றாட வாழ்விலும் கணிதம் ஒரு பிரிக்கமுடியாத அங்கம்; அவசரத்தில் செய்யும் அடிப்படை தவறுகள் சாமராஜ்யங்களையே சரித்திருக்கின்றன!

உங்களிடம் அதிகாரம் இருக்கிறது, அறிவு இருக்கிறது, திறமை இருக்கிறது என்பதற்காக எல்லாவற்றிற்கும் நீங்கள் களம் காண முயற்சிக்காதீர்கள்!

ஏன்? எதற்கு? எப்படி? என்று ஆய்ந்து ஒரு துறையில் மட்டும் யோசிக்காமல் பல்வேறு வழிமுறைகளை சிந்திப்பவர்களால் மட்டுமே வெற்றிவாய்ப்ப் கிடைக்கும்;

எல்லா நேரங்களிலும், எல்லாவற்றையும் நீங்களே பின் தொடர்ந்து செய்துவிட முடியாது! அடுத்தடுத்த விடயங்களுக்கு போனால்தான் பெரிய வெற்றிகள் சாத்தியம்

நம் வீட்டின் வரவு-செலவை பார்பதற்கே முடியவில்லை நாட்டின் பொருளாதாரம் எனக்கெதுக்கு என்று ஒதுங்கிவிடாதீர்கள்!