பழக்கவழக்கம்

பணத்தின் பின்னால் ஓடுங்கள் போதுமான அளவு சேர்க்கும்வரை மட்டும்! எது எல்லை என்ற அளவில்லாம் ஓடினால் திரும்பிவர பாதையே இருக்காது!

வாழ்வில் எதுவேண்டுமானாலும் வந்துபோகலாம் ஆனால் உங்களைப்பொருத்தமட்டில் அவையனைத்தும் உங்களை சுற்றித்தான்;

செல்வம் பலகோடி சேர்த்து கல்லாப்பெட்டியில் பூட்டிப்பூட்டி வைத்திருந்தால் அதனால் உங்களுக்கென்ன இலாபம்? சாகும்போது அதை கொண்டாபோகப்போகிறீர்கள்

உங்களின் எந்த முயற்சியும் பயனளிக்காமல் மாற்றமுடியாத சூழ்நிலை உருவாணால் மனமொடிந்து நின்றுவிடாதீர்கள்! மாற்றமுடியாததை ஏற்று கடந்து செல்லுங்கள்

ஒன்றை செய்ய ஒரே வழி மட்டும் இருக்கட்டும்! பலவழிகள் இருந்தால் தவறுகள் ஏற்படக்கூடும்! ஒரே வழி, ஒரே முறைமை என்றால் தவறுகளுக்கான வாய்ப்பு குறைவு

நீங்கள் நினைத்ததை சாதிக்க வேண்டுமானால் – ஒன்று நீங்கள் செல்வாக்கு படைத்தவராகவோ அல்லது செல்வாக்குள்ளவரின் முழு ஆதரவுள்ளவராகவோ இருக்கவேண்டும்

யார்வேண்டுமானாலும் வந்துபோகலாமென்கிற இடத்தில் எல்லா பாதுகாப்பையும் செய்துவிடுங்கள்–ஏனெனில் உங்களால் எல்லோரையும் அறிந்துவைத்திருக்க முடியாது

பற்றாக்குறையை சமாளிக்க உங்களிடம் போதுமான இருப்பிருந்தால் அன்று சந்தைக்கு நீங்கள் தான் எஜமானன்! நீங்கள் நிர்ணயிப்பதுதான் விலையும்,விற்பனையும்

வியாபாரத்தில் விலை ஒரு அபாயகரமான ஆயுதம் அதை சாமர்த்தியமாக பயன்படுத்தி கோடிகளை சேர்த்தவரும் உண்டு! இழந்து தெருக்கோடிக்கு வந்தவரும் உண்டு!

ஆளவேண்டுமானால் நீங்கள் விரிவடைந்துகொண்டே இருக்க வேண்டும் விரிவடைய பலவற்றை தொடர்ந்து இணைக்க வேண்டும் பணியாதவற்றை கையகப்படுத்த வேண்டும்

சிலவற்றை சீக்கிரம் செய்வதில் இலாபம் கிடைக்கிறது! சிலவற்றை தாமதிப்பதில் இலாபம் கிடைக்கிறது! சிலவற்றை செய்யாமல் விடுவதில் இலாபம் கிடைக்கிறது!

எல்லா சவால்களையும் கடந்து நீங்கள் ஜெயிக்க உங்கள் திறன்களை மேம்படுத்துவதோடல்லாமல் எதிரியின் பலவீனங்களை தெரிந்து வீழ்த்த வேண்டும்!

இலக்குகள் தினம்தினம் அடைவதாய் சிறிதுசிறிதாய் பிரித்து முடித்துக்காட்டுங்கள்! ஒவ்வொரு முடிவும், அடுத்த வெற்றிகரமான துவக்கத்திற்கான ஊக்கமாகும்

உணர்ச்சிவயப்பட்டு பழிக்குப்பழி எடுப்பதில் பயனில்லை! உணர்வுகளை ஊக்கமாக்கி சாதிப்பதில்தான் உயர்வு இருக்கிறது!

சூழ்நிலைக்கு அடிபணிந்து மாறப்போகிறீர்களா? சூழ்நிலை சவால்களை வென்று சாதிக்கப்போகிறீர்களா? நீங்கள் என்ன செய்யப்போகிறீர்கள்?

ஒரு நம்பிக்கையான குழு திறமையான குழு மாற்றங்களுக்கும் வரவேற்கும் குழு உங்களோடு பயனித்தால், இந்த உலகத்தில் சாதிக்க முடியாததென்று எதுவும் இல்லை

நீங்கள் பெரிதாய் செய்யவேண்டுமானால் அதை உங்களுக்காக செய்துதர ஒரு நம்பிகையான ஆதரவுக்கூட்டம் இருக்கவேண்டும்; அந்த ஆதரவு கூட்டத்தை தேடுங்கள்!

வார்த்தைக்ள பாதி, செய்கைகள் பாதி இதுதான் தேருக்குநேரான தகவல் பரிமாற்றத்தின் எழுதப்படாத விதி!

மனஅழுத்தம், உளைச்சல், அமைதியின்மையை தவிர்க்க மாத்திரைகளைவிட அன்றாட தியானமும், மூச்சுப்பயிற்சியும் – உங்களுக்கு சிறந்த வழிகாட்டியாக இருக்கும்

யாருக்கும் இரகசிய நோக்கமும் / இலக்கும் இல்லாதபோது குழப்பங்கள் இல்லாமல், ஒற்றுமையுணர்வு இயல்பாய் அதிகரிக்கிறது.

நேரத்தை மிச்சப்படுத்து தவறுகள் ஏற்படாமல் தவிர்க்க உங்கள் சோம்பேறித்தனங்கள் செயலை பாதிக்காமலிருக்க கூடியவரை செயல்களை தானியங்கி ஆக்குங்கள்!

மனித இனமே உணர்வுநிலை சார்ந்த ஒன்றுதான்! எல்லாவற்றிலும் உணர்வுகளின் தாக்கம்தான் இங்கு அதிகம்! பல தோல்விகளின் காரணமே உணர்ச்சிப்பெருக்குதான்!

ஒற்றுமையில் வேற்றுமை காண்பது ஒரு கலாச்சாரம்; வேற்றுமையில் ஒற்றுமை காண்பது ஒரு கலாச்சாரம்!

விஞ்ஞானமும் பொதுஅறிவுதான்! மெய்ஞானமும் பொதுஅறிவுதான்! பொதுஅறிவை கவனித்தவன் வெல்கிறான்! பொதுஅறிவை கவனிக்காதவன் தோற்கிறான்!